Geschwindigkeitsbeschränkung

Zwoi Ehebaar älderen Semeschders senn midm Audo uff dr A61 ondrweags. Dr Fahrer fehrd ed schneller wia 61 Km/h ond wird deshalb von dr Bolidsei aaghalda.

Fahrer: “Grias Godd Herr Bolidsischd, war i ds’schnell?”

Bolidsischd: “Ha noi, eher viel ds’langsam, deshalb hemmer Sie au aaghalda.”

Fahrer: “Aber do schdood doch ieberall A61, deshalb fahr i au 61.”

Bolidsischd: “Ha, des isch koi Geschwindigkeitsbeschränkung, des isch bloos d’Nommer von dr Audobaa.”

Fahrer: “Danggschee fir da Hinweis, no fahr i a bissle schneller.”

Dr Bolidsischd guggd no durchs Seidafenschndr uff dr Riggsids ond sieht zwoi schdoggschdeife Fraua mid weidaufgrissene Auga ond Pubilla, so grauß wia Kaffeeondrsedsr.

Bolidsischd: “Wa isch mid eire Fraua, goods dene edd guad?”

Fahrer: “Ällas beschdens. Mir kommed bloos grad vo dr B252.”

Bulle

Mai Frau ond i wared uff a ra Ausschtellung. Bei de Zuchtbulla henn mir Halt gemacht. Beim erschte Gehege war a Schild mit dr Ufschrift, dass sich dr Bulle letzschtes Johr 50 Mol gepaart hat. Mei Frau schdiess mir en d’Ribba ond verwies uff des Schild. Beim nächschda Gehege war dr Bulle 150 mol aktiv. Wieder hann i oine en d’Rippa griagd ond sie sagd: Wow, da kannsch dr a Scheib abschneida.” Em dridda Gehege war dr Bulle em letzschda Johr 365 Mol aktiv. Mai Frau raschded schier aus. “Des isch oimol däglich. Von dem kannsch wirklich ebbes abgugga.” I han dann zura gsagt: “Gang no ond frog en, ob des emmr dieselbe alde Kua war.”

Ehetherapie

Nach 35 Johr kommt a Ehepaar zur Beradung. Auf die Frog wos Problem isch, legt die Frau los: “Mangelndes Interesse, koi Intimidäd, Vernochlässigung, ogeliebd ond ned liebenswert.” Dr Therapeud stoht uff ond bat die Frau au uffzomschtanda. No omarmt ond kissd er se lang ond leidaschaftlich, während ihr Mo mit hochzogene Augabraua zuguggt. Dr Therapeud sagd dann zu dem Mo. Des ischs was ihr Frau mindeschtens dreimal en dr Woch braucht. Kennad Sie des do?” Dr Mo antwortet: “I kann se mondags ond mittwochs vorbeibrenga, aber freitags ben i angla.”

Rettungsdienschd

Geschtern rief a Frau beim Rettungsdienschd a. “Wie kann i Ihne helfa?” Frau:” I han mir dr Zeha am Couchtisch gschtossa ond han saumäßige Schmerza.” Dr Telefonischt sagt, “ond dafir wellet Sie da Rettungsdienschd rufa?”

Frau: “Noi. Dr Rettungsdienschd isch fir mein Mo, der hedd net so bleed lacha solla.”

 Gras beissa

En gloinr Bua good mid seim Opa schbadziera!

No hoggad se uff a Benkle na ond dr Opa kaud ganz gedangavrlora uff ma Grashälmle.

No schreid dr Bua bledzlich: "Au glasse, jedzd griagd mir a nuis Audo!"

"Wisso jedzd ao dees?"

"Ha dr Babba hodd gsagd, wenn dr Opa endlich ens Gras beissd, kaufad mir a nuis Audo."

Schwerhörig

Dr Diener macht'm alda ,schwerhöriga Graf d'Hausdür auf.

" Na , aldr Luschdgreis , wiedr em Wirdshaus gwea, Bier gsoffa ond jonge Weibr obaggerd.?"

" Noi , en dr Schdadt gwea ond a Hörgerät kauft !"

Eibrecher

A Mo kommt uffd Polizeiwach ond sagd: “I mechd gern den Eibrecher schwätza, der geschdern en mai Haus eibrocha isch.” Dr Polizeibeamte erklärd em, dass er des vor Gerichd macha muss.

Noi, sagd Dr Mo, des muss glei sai. I mechd wissa, wie der ens Haus komma isch, ohne dass mai Frau uffgwacht isch. Des probier i I nämlich seit a paar Johr ohne Erfolg.

Ehestreit

"Wie isch denn geschdern der Streit mid deiner Frau ausganga?"

"Ha, uff de Knie isch se okrocha komma"

"Echd, ond was hodd se gsagd?"

"Ewig kosch du di nedd unterm Tisch verkriecha, du Feigling"

Dr Chef

Zwoi Beamte streidad sich im Flur. Sagd der oine: "Du bisch der gröschde Vollidiot, der mir je begegned isch"

Erwiderd der Andre": 0nd Du bisch des greschde Arschloch des i besher kennaglernd hann"

Do kommd der Chef aus seim Büro ond moind: " Meine Herra, was soll des. Hend Sie vergessa, dass i au no do ben."

Sturgarder Strossabah

Schaffner: Isch ebber zuagstiega?

A adls Weib: Jo glaubet sie i benn do henne gebora!

Schaffner: Noi, so alde Kärra hemmer nemme.

So ischs noo au wiedr

Vor der erwarteten Entbindung erscheind der Frau im Traum en Engel ond sagd: "I werd dafür sorga, dass der Vadder vom Kind während der Geburt die Hälfte der Schmerza midfühld." En dr Nachd ischs noo soweit.

Nach der Geburt frogd sie dann ihren Mo: "Wie hosch denn gschlofa?"

"Oh, schlechd" moind ihr Mo "onser Nochbor hodd die ganse Nachd so brülld, als ob er a Kind zur Welt bringa däd."

Schwarzwald

Der Mo war vor zehn Johr zom Zelta im Schwarzwald ond sei Frau isch schwanger worda.

Zwoi Johr später war er wieder zom Zelta im Schwarzwald ond sei Frau isch wieder schwanger worda.

Seitdem, wen er wieder amol in den Schwarzwald fährd, nimmd er sei oigana Frau immer mid zom Zelta.....

Psychiatrie

Neilch war i bei maim Doggdr ond hann ihn gfrogd, wie er entscheided, ob ebbr en d’Psychiatrie eigwiesa wird oder au nedd.

“Des isch ganz oifach” hoddr gsagd. “Mir fillad a Badwann mit Wasser, gebat ehne en Suppalöffel, a Tass ond en Oimer.” No sag mr, se sollad die Badwann leera.

“Des isch oifaxh” hann i gsagd. “A n normaler Mensch däd dr Oimer nemme, weil der isch greeßr wia dui Tass ond dr Leffl.”

“Noi” hodd dr Doggdr gmoind. “A normaler Mensch däd dr Stöpsel raus ziega. Welladse a Bett am Feschdr?”